粵語係方言定語言嘅鬥爭每日都不知不覺噉發生𡁵。我哋要打贏呢場仗，將粵語嘅地位變做語言，就要認清邊度係戰場，同邊個係敵人。
方言同語言有咩分別？
馬克斯·魏因賴希，語言學家（1894-1969）
馬克斯·魏因賴希所講嘅「陸軍」同「海軍」，其實係指社會同政治嘅影響。
一個語言就算有幾唔同嘅文法、發音、詞彙，擁有完整嘅語言系統，冇上述呢兩方面嘅影響，地位上都只會係方言，而粵語正正就面對𡁵呢個情況。
政治影響教育，香港嘅教育制度就好明顯噉貶低粵語，阻止粵語發展一套標準嘅書寫系統。
例如我哋由細到大只有中文堂，冇粵文堂；喺學校只會教中文拼音，而從來唔教粵拼；我哋從來都冇喺學校學過粵語嘅字詞係點樣寫。
社會方面，受教育影響，我哋自己嘅意識形態都貶低粵語，扼殺粵語發展一套標準嘅書寫系統。
例如寫正經嘅文書我哋唔會寫粵文，只會用中文或者英文；香港冇用粵文寫嘅報紙，只有極少數用粵文寫成嘅刊物。
問題嘅核心，就係大部份香港人都覺得粵語同粵文係「口語」，只可以講唔可以寫，係中文嘅一個分支。
粵文同中文係兩種語言，兩種相似但唔同嘅語言。如果我哋自認係契弟，甘心做人哋嘅分支，就呢世都唔好諗將粵語嘅地位提升做語言呢件事。
點做先可以將粵語嘅地位由方言變做語言？
因為語言對身份認同嘅影響好大，好肯定香港政府唔會畀機會粵文，政治方面我哋冇咩可以做。
但社會方面，我哋有好多工夫可以做，為粵語建立一套書寫系統，慢慢將佢嘅地位提升做語言。例如我哋可以做以下嘅嘢：
- 學粵拼，等有字你唔識寫嘅時候可以用拼音搵翻隻正字（或者意思最接近嘅字）
- 知道受眾係香港人嘅時候，用粵文書寫所有文書，例如電郵、論文、簡報
- 教育你身邊嘅人，特別係下一代，中文同粵文係兩種語言，唔再講「書面語」同「口語」
- 畀呢篇文你身邊嘅人睇，鼓勵佢哋寫粵文
- 如果你係僱主，將粵文書寫列做請人嘅其中一項條件
如果你重未學粵拼，你可以睇吓我哋篇教學。
相反，如果你想粵語嘅地位繼續係方言，就即管做以下嘅嘢：
- 唔學粵拼
- 用中文書寫所有文書，例如電郵、論文、簡報
- 繼續講「書面語」同「口語」
要統一書寫方法，要先有足夠嘅語料。我哋寫多咗粵文之後，就算我哋呢世失敗，我哋嘅下一代都可以根據呢啲記錄接力，幫我哋完成呢個心願。
結論
我哋要發展粵文，我哋自己就係呢場仗最大嘅敵人，而我哋要寫字嘅地方就係戰場。
呢場會係一場香港人嘅內戰，你準備好加入粵文嘅陸軍同海軍，為粵文而戰未啊？
Wow, wonderful weblog format! How long have you been blogging for?
you make running a blog glance easy. The whole look of your web site is wonderful, as neatly
as the content material!
Feel free to surf to my blog post g go
It is the best time to make some plans for the future and it’s time to be happy.
I have read this post and if I could I wish to suggest
you few interesting things or tips. Maybe
you can write next articles referring to this article. I wish to read more things about it!
my web page :: one g
樓上留言嘅網友講得實在太好，將筆者嘅邏輯繆誤寫哂出嚟。
粵語係咪語言，其實睇番語言學相關書籍，有個定義已經好清楚講明，粵語係語言，因為粵語對比普通話，兩者差距好遠，而且按粵語發展史，粵語係保留咗好多古漢語讀音特性同用詞，有自己獨立嘅語音，文字，語法。但係大陸推廣普通話嘅時候已經將國人洗腦，令人覺得中文只有普通話，粵語係偏離普通話標準語法嘅方言。作為語言教育工作者，生活喺香港資訊自由傳播嘅地方，應該好好教育公眾正確語言學概念，而唔係自誇咩:」真正有權、有資格左右粵語係方言定語言嘅，係香港人。」我都係香港人，但生活喺全世界嘅人唔係只得香港人講廣東話，就近廣東省廣，佛，順，新加坡馬來西亞美西華僑都識講，廣東話根本就係嶺南文化載體，你咁寫嘢論調同煽動民族仇恨嘅毒媒冇分別人
你哋發揚粵語就發揚啦，唔好成日政治化啲嘢 。事實係“粵語同普通話係兩種語言”而唔係“粵語同中文係兩種語言”。粵語不嬲都係中文嘅一個分支。
同埋咧，要承認香港確實係喺發揚粵語呢一方面做咗好大貢獻。但係唔該睇下你哋香港啲年青人，講幾句廣東話插咗幾多英文（仲係非常之唔標準發音添），啲懶音又多。成日話俾人哋普通話滲透，但係自己俾英文滲透咗噉耐又當睇唔見。係咪普通話係鄉下人講嘅，而英文就係先進文化啊。有骨氣啲啦唔該。
唔好誤會我意思，我都撐粵語嘅。但似你哋噉搞法好唔掂。