學每樣嘢都要練習先會精通，學粵拼都唔例外。如果你每日都用粵拼輸入法打字，好快你就會記熟晒粵拼所有嘅聲母同韻母。
今次我哋就要教吓大家點樣喺Mac、iOS、Android同Chrome安裝粵拼輸入法。
一部行iOS嘅電腦
None
喺Mac安裝粵拼輸入法
呢個教學會教你喺Mac安裝粵拼輸入法。我哋會用嘅軟件係OpenVanilla。
OpenVanilla係個由台灣人喺2004年推出嘅免費軟件，到依家都有定期更新。呢個軟件入面除咗有粵拼輸入法之外，重有大概十幾種唔同嘅中文輸入法。
按指示安裝完之後，將輸入法轉做OpenVanilla。撳OpenVanilla嘅icon，你就可以揀用邊啲佢提供嘅輸入法。
揀廣東話就可以開始用粵拼打字。如果你唔想每隻字都要打埋聲調，打得快啲，你可以揀廣東話（無聲調）。
一部裝咗Chrome同Brave嘅電腦
冇
喺Chrome同Brave安裝粵拼輸入法
呢個教學會教你喺Chrome同Brave安裝粵拼輸入法。我哋會用嘅擴充套件係Google Input Tools.
安裝咗之後，喺工具列搵呢個擴充套件嘅標記，再揀擴充功能選項。
之後你會見倒一個表，入面有齊晒所有呢個套件提供嘅輸入法。喺個表度揀廣東話。
揀完廣東話輸入法之後，你嘅工具列應該會多咗個「粵」字嘅標記。你想用粵拼打字嘅時候，撳落呢個標記就可以開始打。
一部行iOS嘅電話
冇
喺iOS安裝粵拼輸入法
呢個教學會教你點樣喺iOS安裝粵拼輸入法。我哋會教大家安裝Kaiboard 中英混合鍵盤，因為呢個輸入法嘅中英混合輸入真係超方便，而且佢畀你同一時間又打粵拼又打速成，有字用粵拼唔識打都唔怕。
安裝完Kaiboard之後，打開佢開始做設定。喺第一頁揀「廣東話拼音」。
揀完你用開嘅輸入法之後，你可以揀其他輸入法做輔助。
假設你喺度揀咗速成，當你打N G，佢會同時顯示速成同粵拼輸入法嘅結果。
最後，按指示將Kaiboard設定做你用嘅鍵盤就搞掂。
一部行Android嘅電話
冇
喺Android安裝粵拼輸入法
呢個教學會教你點樣喺Android安裝粵拼輸入法，我哋會教你安裝Google Cantonese Input。
Google Cantonese Input係Android最好用嘅粵拼輸入法，但唔知點解喺2018年，Google將佢喺Play store下咗架。
如果依家你要用Google Cantonese Input，你就要喺其他地方下載佢嘅APK。
為咗方便大家安裝，我哋已經將Google Cantonese Input嘅APK放咗喺我哋網站。你哋可以喺呢度下載。
因為Google Cantonese Input包咗粵拼同耶魯粵語拼音兩種輸入法，你喺安裝完之後要先揀用咩輸入法。 撳「輸入」，再撳「拼音方法」。
喺度揀你想用嘅拼音。留意第三個選擇係打繁體字嘅國語拼音。
因為Google Cantonese Input同一時間提供4種輸入法（速成、筆劃、手寫同粵拼），打字之前你要揀用邊個輸入法先。
撳個「中」字，再揀粵拼嘅鍵盤就可以開始打。
希望呢個教學可以幫你哋安裝粵拼輸入法啦！