停課期間,全部真人配音粵文故事書八折,快啲買畀小朋友睇啦!

了解多啲
喺Mac、iOS、Android同Chrome安裝粵拼輸入法

喺Mac、iOS、Android同Chrome安裝粵拼輸入法

學每樣嘢都要練習先會精通,學粵拼都唔例外。如果你每日都用粵拼輸入法打字,好快你就會記熟晒粵拼所有嘅聲母同韻母。

今次我哋就要教吓大家點樣喺Mac、iOS、Android同Chrome安裝粵拼輸入法。

一部行iOS嘅電腦

None

喺Mac安裝粵拼輸入法

呢個教學會教你喺Mac安裝粵拼輸入法。我哋會用嘅軟件係OpenVanilla

OpenVanilla係個由台灣人喺2004年推出嘅免費軟件,到依家都有定期更新。呢個軟件入面除咗有粵拼輸入法之外,重有大概十幾種唔同嘅中文輸入法。

Step 1: 下載OpenVanilla

OpenVanilla嘅官網,撳由此處下載開始下載。

喺Mac安裝粵拼輸入法,第一步
Step 2: 啟用粵拼輸入法

按指示安裝完之後,將輸入法轉做OpenVanilla。撳OpenVanilla嘅icon,你就可以揀用邊啲佢提供嘅輸入法。

揀廣東話就可以開始用粵拼打字。如果你唔想每隻字都要打埋聲調,打得快啲,你可以揀廣東話(無聲調)。

喺Mac安裝粵拼輸入法,第二步

一部裝咗Chrome同Brave嘅電腦

喺Chrome同Brave安裝粵拼輸入法

呢個教學會教你喺Chrome同Brave安裝粵拼輸入法。我哋會用嘅擴充套件係Google Input Tools.

Step 1: 下載Google Input Tools

喺Chrome嘅extension store下載Google Input Tools

Step 2: 設定

安裝咗之後,喺工具列搵呢個擴充套件嘅標記,再揀擴充功能選項。

喺Chrome安裝粵拼輸入法,第二步
Step 3: 啟用粵拼輸入法

之後你會見倒一個表,入面有齊晒所有呢個套件提供嘅輸入法。喺個表度揀廣東話。

喺Chrome安裝粵拼輸入法,第三步
Step 4: 開始用粵拼打字

揀完廣東話輸入法之後,你嘅工具列應該會多咗個「粵」字嘅標記。你想用粵拼打字嘅時候,撳落呢個標記就可以開始打。

喺Chrome安裝粵拼輸入法,第四步

一部行iOS嘅電話

喺iOS安裝粵拼輸入法

呢個教學會教你點樣喺iOS安裝粵拼輸入法。我哋會教大家安裝Kaiboard 中英混合鍵盤,因為呢個輸入法嘅中英混合輸入真係超方便,而且佢畀你同一時間又打粵拼又打速成,有字用粵拼唔識打都唔怕。

Step 2: 選擇輸入法

安裝完Kaiboard之後,打開佢開始做設定。喺第一頁揀「廣東話拼音」。

喺iOS安裝粵拼輸入法,第二步
Step 3: 選擇輔助輸入法

揀完你用開嘅輸入法之後,你可以揀其他輸入法做輔助。

假設你喺度揀咗速成,當你打N G,佢會同時顯示速成同粵拼輸入法嘅結果。

喺iOS安裝粵拼輸入法,第三步
Step 4: 設定Kaiboard做你用嘅鍵盤

最後,按指示將Kaiboard設定做你用嘅鍵盤就搞掂。

喺iOS安裝粵拼輸入法,第四步

一部行Android嘅電話

喺Android安裝粵拼輸入法

呢個教學會教你點樣喺Android安裝粵拼輸入法,我哋會教你安裝Google Cantonese Input。

Step 1: 下載Google Cantonese Input

Google Cantonese Input係Android最好用嘅粵拼輸入法,但唔知點解喺2018年,Google將佢喺Play store下咗架。

如果依家你要用Google Cantonese Input,你就要喺其他地方下載佢嘅APK。

為咗方便大家安裝,我哋已經將Google Cantonese Input嘅APK放咗喺我哋網站。你哋可以喺呢度下載。

Step 2: 設定

因為Google Cantonese Input包咗粵拼同耶魯粵語拼音兩種輸入法,你喺安裝完之後要先揀用咩輸入法。 撳「輸入」,再撳「拼音方法」。

喺Android安裝粵拼輸入法,第二步
Step 3: 選擇輸入法

喺度揀你想用嘅拼音。留意第三個選擇係打繁體字嘅國語拼音。

喺Android安裝粵拼輸入法,第三步
Step 4: 將粵拼設定做你嘅常用鍵盤

因為Google Cantonese Input同一時間提供4種輸入法(速成、筆劃、手寫同粵拼),打字之前你要揀用邊個輸入法先。

撳個「中」字,再揀粵拼嘅鍵盤就可以開始打。

喺Android安裝粵拼輸入法,第四步

希望呢個教學可以幫你哋安裝粵拼輸入法啦!

    留言

    留言唔會公開你嘅電郵地址。

    English粵文日本語