停課期間,全部真人配音粵文故事書八折,快啲買畀小朋友睇啦!

了解多啲
Rime 粵拼

喺macOS安裝Rime鼠鬚管打粵拼

Rime本身係個輸入法嘅框架,因爲呢個框架幫開發者處理好多基本同瑣碎嘅問題,開發者用佢可以集中精力處理輸入法背後嘅資料庫同其他額外嘅功能,而且可以好容易噉喺唔同平台自製輸入法。

雖然呢個輸入法框架嘅功能好勁,但因爲佢本身係爲開發者而設,唔係喺個個平台都有使用者介面,一般用家就算要安裝佢都好困難,所以呢篇文就會教你哋點樣喺macOS安裝Rime鼠鬚管打粵拼。

一部電腦

喺macOS安裝Rime鼠鬚管打粵拼教學

呢個教學會教你點樣喺Mac安裝Rime鼠鬚管,再安裝同啓用粵拼。

Step 1: 下載Rime鼠鬚管

首先去Rime嘅網頁下載Rime鼠鬚管

Step 2: 下載粵拼資料庫(一)

Rime預設嘅資料庫係普通語拼音,要打粵拼我哋就要先喺GitHub下載粵拼資料庫,再放喺適合嘅地方。

最快嘅方法就係打指令入Terminal下載。撳command同space打開spotlight,之後搜尋terminal。

有某啲版本嘅macOS要安裝咗Xcode先可以用Terminal,你可以喺呢度下載Xcode。

Step 3: 下載粵拼資料庫(二)

開咗terminal之後,打以下嘅指令入terminal下載:

curl -fsSL https://git.io/rime-install | bash -s -- :preset emoji sgalal/rime-opencc-latest cantonese custom:set:config=default,key=patch/any_key,value=any_value custom:add:schema=jyut6ping3

喺macOS安裝Rime鼠鬚管打粵拼教學,第三步
Step 4: 啓用粵拼資料庫(一)

安裝完之後,我哋要啓用粵拼資料庫先可以打粵拼。首先喺輸入法揀鼠鬚管,再撳用戶設定。

喺macOS安裝Rime鼠鬚管打粵拼教學,第四步
Step 5: 啓用粵拼資料庫(二)

撳完用戶設定之後,系統會自動打開放咗鼠鬚管啲檔案嘅文件夾。喺呢度再撳build呢個文件夾。

喺macOS安裝Rime鼠鬚管打粵拼教學,第五步
Step 6: 啓用粵拼資料庫(三)

喺build呢個文件夾入面搵個叫default.yaml嘅檔案,再打開佢。

打開咗之後,搜尋schema_list呢隻字,再將佢改成下面噉樣:

schema_list:

-schema: jyut6ping3

呢個方法雖然係最簡單,但之後更新鼠鬚管嘅時候,喺default.yaml嘅改動會畀更新下載嘅default.yaml洗咗。要避免呢個情況,我哋要自己整個叫default.custom.yaml嘅檔案,複製default.yaml嘅內容入去再改。

喺macOS安裝Rime鼠鬚管打粵拼教學,第六步
Step 7: 重新啓動鼠鬚管

最後撳重新部署同同步用戶資料,就可以開始用粵拼打字。

喺macOS安裝Rime鼠鬚管打粵拼教學,第七步

    留言

    留言唔會公開你嘅電郵地址。

    English粵文中文 (台灣)日本語