停課期間,全部真人配音粵文故事書八折,快啲買畀小朋友睇啦!

了解多啲
Rime 粵拼

喺Windows安裝Rime小狼毫打粵拼

Rime本身係個輸入法嘅框架,因爲呢個框架幫開發者處理好多基本同瑣碎嘅問題,開發者用佢可以集中精力處理輸入法背後嘅資料庫同其他額外嘅功能,而且可以好容易噉喺唔同平台自製輸入法。

雖然Rime小狼毫有使用者介面,但對一般用家都係有啲複雜。因為噉,呢篇文就會教你哋點喺Windows安裝Rime小狼毫打粵拼。

一部行Windows 7 以上嘅電腦

喺Windows安裝Rime小狼毫打粵拼教學

呢個教學會教你點樣喺Windows安裝Rime小狼毫,再安裝同啓用粵拼。

Step 1: 下載Rime小狼毫

首先去Rime嘅網頁下載Rime小狼毫。

Step 2: 安裝Rime小狼毫

之後安裝Rime小狼毫,你需要揀用繁體定簡體字。

Step 3: 下載粵拼資料庫(一)

Rime預設嘅資料庫係普通語拼音,要打粵拼我哋就要先喺GitHub下載粵拼資料庫,再放喺適合嘅地方。

用右制撳Rime小狼毫側邊個「中」字圖示,再撳輸入法設定。

喺Windows安裝Rime小狼毫打粵拼教學,第三步同第七步
Step 4: 下載粵拼資料庫(二)

撳完之後,彈出嚟嘅視窗會顯示晒所有你而家可以用嘅輸入法。

因爲Rime小狼毫本身冇粵拼,所以你要撳「獲取更多輸入方案⋯」

喺Windows安裝Rime小狼毫打粵拼教學,第四步
Step 5: 下載粵拼資料庫(三)

之後會彈咗個Terminal出嚟。打Cantonese再執行呢個指令,你就會開始下載粵拼資料庫。

喺Windows安裝Rime小狼毫打粵拼教學,第五步
Step 6: 啓用粵拼資料庫(一)

再用右制撳Rime小狼毫側邊個「中」字圖示,再撳輸入法設定。

今次你就應該會見倒有粵語拼音同粵語拼音(IPA版)兩種新嘅輸入法。揀你常用用嗰嗰再儲存。

如果你只係會用粵拼,或者你唔想之後再喺小狼毫都要揀唔同輸入法,記得喺呢度唔好揀其他輸入法。

喺Windows安裝Rime小狼毫打粵拼教學,第六步
Step 7: 重新啓動鼠鬚管

最後再用右制撳Rime小狼毫側邊個「中」字圖示,撳重新部署同同步用戶資料,就可以開始用粵拼打字。

喺Windows安裝Rime小狼毫打粵拼教學,第三步同第七步

    留言

    留言唔會公開你嘅電郵地址。

    English粵文中文 (台灣)