停課期間,全部真人配音粵文故事書八折,快啲買畀小朋友睇啦!

了解多啲
廣東話拼音教學,一次過教識你78個粵拼聲母、韻母同6個聲調

廣東話拼音教學,一次過教識你78個粵拼聲母、韻母同6個聲調

廣東話拼音一直都畀香港人忽略咗,但其實拼音系統對於延續同傳承一個語言非常重要。懶音同正字呢啲一直阻礙廣東話發展嘅問題,其實可以通過全民學廣東話拼音解決。

喺呢篇文,我哋會用發音圖表、錄音同文字描述教識大家粵拼嘅78個聲母同韻母。

因爲粵拼係基於國際音標而創立嘅系統,如果你對國際音標系統有少少認識,再學粵拼會容易好多。

香港人點解要學廣東話拼音啊?

香港人學廣東話拼音有三個好處。第一,學識廣東話拼音可以幫我哋糾正自己嘅懶音。香港人講嘢經常 n l 不分,n ng 不分。學咗廣東話拼音之後,唔單止可以學識 n 同 l 發音方式嘅分別,重可以知道啲字係應該點讀。例如你 [nei5] 同 理 [lei5]、外 [ngoi6] 同 內 [noi6]、韓 [hon4] 同 航 [hong4] 呢啲好相似嘅字。

第二,學識廣東話拼音可以幫我哋搵正字。因為香港人冇接受過廣東話書寫嘅教育,好多字我哋識讀唔識寫,結果成日就寫咗錯嘅字出嚟。例如抌 [dam2] 垃圾、揼 [dap6] 骨、唔使 [sai2]、黐 [ci1] 線、擘 [maak3] 大個口、舐 [laai2] 腳趾,呢啲字香港人成日會寫咗做「dum」垃圾、「dup」骨、唔「洗/ 駛」、「痴/ 癡」線、「mark」大個口、「奶」腳趾。

當我哋識讀唔識寫,又想搵翻呢啲字出嚟,用廣東話拼音查就最易搵到答案。

第三,學識廣東話拼音可以幫我哋更加了解廣東話。唔知你有冇發現,文白二讀同變調呢兩個現象呢?

同一隻字,我哋會有多過一個有規律嘅讀法。文白兩讀嘅例子有成 [seng4] 日同成 [sing4] 功、山頂 [deng2] 同 頂 [ding2] 點、瞓醒 [seng2] 同 醒 [sing2] 目。

變調嘅有例子澳門 [mun2] 同 木門 [mun4]、香港人 [jan4] 同 女人 [jan2]、母 [mou5] 親同老母 [mou2]、道路 [lou6] 同走路[lou2] ⋯⋯呢一啲咁得意嘅秘密,全部都要學識廣東話拼音先可以發現同欣賞。

香港人應該學邊一種廣東話拼音啊?

因為冇政府嘅支持,廣東話現時冇一套統一嘅拼音系統。幾套系統當中,香港語言學學會粵語拼音方案(粵拼)耶魯粵語拼音(耶魯)係依家嘅主流。

我哋推薦大家學粵拼,因為粵拼收錄嘅音又多啲,用電腦打起上嚟都方便啲。如果你想了解多啲粵拼同耶魯嘅分別,可以睇吓呢一篇文章

粵拼嘅標音結構係點㗎?

粵拼會標示字嘅聲母、韻母同聲調去代表字嘅發音。聲母一定要係輔音(consonants),而韻母就可以由兩個元音(vowel)或者一個元音同一個輔音組成。每一個字都一定有韻母,但唔一定有聲母。

廣東話拼音: 單元音

元音(Vowel)係指啲發音嗰陣聲帶有震動,而且發出嘅氣流唔受或者只係受少量阻礙嘅音。音節輔音(Syllabic consonants)係指啲好似元音噉可以單獨發音嘅輔音。

單元音音節輔音
aa e i o u yu oem ng

aa

廣東話拼音、粵拼教學 aa 發音正面圖
廣東話拼音、粵拼教學 aa 發音側面圖

字例:家 [gaa1]

發音方法:好自然噉擘到你個口最大,放你條脷喺下顎之後伸到最前,放鬆你嘅嘴唇。

語言學嘅描述 [IPA符號:ɑ ] :元音高度係全開;元音脷位係前,元音圓唇度係非圓唇。

e

廣東話拼音、粵拼教學 e 發音正面圖
廣東話拼音、粵拼教學 e 發音側面圖

字例:咩 [me1]

發音方法:好自然噉擘大個口,但唔好擘到最大;放你條脷喺下顎之後伸到最前,放鬆你嘅嘴唇。

語言學嘅描述 [IPA符號:ɛ ] :元音高度係半開;元音脷位係前,元音圓唇度係非圓唇。

i

廣東話拼音、粵拼教學 i 發音正面圖
廣東話拼音、粵拼教學 i 發音側面圖

字例:詩 [si1]

發音方法:合埋你個口;將你條脷伸到最前;向左右兩邊拉你嘅嘴唇。

語言學嘅描述 [IPA符號:i ] :元音高度係合;元音脷位係前,元音圓唇度係非圓唇。

o

廣東話拼音、粵拼教學 o 發音正面圖
廣東話拼音、粵拼教學 o 發音側面圖

字例:波 [bo1]

發音方法:擘大你個口,但要比你平時自然擘大嘅幅度細;將你條脷縮到最後;用你嘅嘴唇整個O字金魚嘴出嚟。

語言學嘅描述 [IPA符號:ɔ ] :元音高度係半開;元音脷位係後,元音圓唇度係撮唇。

u

廣東話拼音、粵拼教學 u 發音正面圖
廣東話拼音、粵拼教學 u 發音側面圖

字例:膚 [fu1]

發音方法:合埋你個口;將你條脷縮到最後;用你嘅嘴唇整個金魚嘴出嚟,然後輕微向上翹。

語言學嘅描述 [IPA符號:u ] :元音高度係合;元音脷位係後,元音圓唇度係撮唇。

 

oe

廣東話拼音、粵拼教學 oe 發音正面圖
廣東話拼音、粵拼教學 oe 發音側面圖

字例:靴 [hoe1]

發音方法:擘大你個口,但要比你平時自然擘大嘅幅度細;將你條脷伸到最前;將你嘅嘴唇向內接,唔好俾人見到你嘴唇嘅入面(好似食自己嘅嘴唇噉)。

語言學嘅描述 [IPA符號:œ ] :元音高度係半開;元音脷位係前,元音圓唇度係斂唇。

 

yu

廣東話拼音、粵拼教學 yu 發音正面圖
廣東話拼音、粵拼教學 yu 發音側面圖

字例:魚 [jyu2]

發音方法:合埋你個口;將你條脷伸到最前;用你嘅嘴唇整個金魚嘴出嚟,然後輕微向上翹。

語言學嘅描述 [IPA符號:y ] :元音高度係合;元音脷位係前,元音圓唇度係撮唇。

廣東話發音: 音節輔音

m

廣東話拼音、粵拼教學 m 發音正面圖
廣東話拼音、粵拼教學 m 發音側面圖

字例:唔 [m4]

發音方法:合埋你個口;放鬆條脷。喺發音嗰陣,你應該會感受到有氣流經你個鼻噴出嚟。

ng

廣東話拼音、粵拼教學 ng 發音正面圖
廣東話拼音、粵拼教學 ng 發音側面圖

字例:五 [ng5]

發音方法:擘大你個口,用你條脷嘅後半部份頂住軟顎。喺發音嗰陣,你應該會感受到有氣流經你個鼻噴出嚟。

廣東話拼音: 複元音

複元音係通過連續發兩個單元音組成嘅音。喺粵拼,複元音通常係由單元音 i 或者 u 同其他單元音組成嘅。

複元音 ai、au、ou、eieoi 嘅發音包含咗一啲粵拼冇標示嘅單元音(只係得IPA有標示)。喺學呢幾個音嗰陣,一定要留心啊。

複元音

 iu
aaaaiaau
aaiau
eeieu
ooiou
i/iu
uui/
oe//

複元音

eoi

​​

aai

廣東話拼音、粵拼教學 aai 發音正面圖
廣東話拼音、粵拼教學 aai 發音側面圖

字例:街 [gaai1]

發音方法:好快噉連續發 aa 同 i 兩個單元音。

語言學嘅描述 [IPA符號:ai ] :元音高度由全開變合;元音脷位一直保持係前;元音圓唇度一直保持係非圓唇。​

ai

廣東話拼音、粵拼教學 ai 發音正面圖
廣東話拼音、粵拼教學 ai 發音側面圖

字例:雞 [gai1]

發音方法:好快噉連續發 a 同 i 兩個單元音。發 a 呢個音,你要好自然噉擘大個口,唔好擘到最大,但擘大嘅幅度要大過發 e 音;將你條脷保持喺中間;放鬆嘴唇。

語言學嘅描述 [IPA符號:ɐi ] :元音高度由次開變合;元音脷位由中變前;元音圓唇度一直保持係非圓唇。​

aau

廣東話拼音、粵拼教學 aau 發音正面圖
廣東話拼音、粵拼教學 aau 發音側面圖

字例:攪 [gaau2]

發音方法:好快噉連續發 aa 同 u 兩個單元音。

語言學嘅描述 [IPA符號:au ] :元音高度由全開變合;元音脷位由前變後;元音圓唇度由非圓唇變撮唇。​​

au

廣東話拼音、粵拼教學 au 發音正面圖
廣東話拼音、粵拼教學 au 發音側面圖

字例:九 [gau2]

發音方法:好快噉連續發 a 同 u 兩個單元音。發 a 呢個音,你要好自然噉擘大個口,唔好擘到最大,但擘大嘅幅度要大過發 e 音;將你條脷保持喺中間;放鬆嘴唇。

語言學嘅描述 [IPA符號:ɐu ] :元音高度由次開變合;元音脷位由中變後;元音圓唇度由非圓唇變撮唇。​​

ei

廣東話拼音、粵拼教學 ei 發音正面圖
廣東話拼音、粵拼教學 ei 發音側面圖

字例:死 [sei2]

發音方法:好快噉連續發 e(IPA符號而唔係粵拼) 同 i 兩個單元音 。發 e 呢個音,你個口唔可以擘太大,幅度要大過 o 音,細過 e 音(粵拼);將你條脷伸到最前;放鬆嘴唇。

語言學嘅描述 [IPA符號:ei ] :元音高度由半合變合;元音脷位一直保持係前;元音圓唇度一直保持係非圓唇。​​

eoi

廣東話拼音、粵拼教學 eoi 發音正面圖
廣東話拼音、粵拼教學 eoi 發音側面圖

字例:催 [ceoi1]

發音方法:好快噉連續發 ɵ 同 y 兩個單元音(呢兩個都係IPA符號而唔係粵拼) 。發 ɵ 呢個音,你個口擘大嘅幅度要細過 e 音(粵拼);將你條脷微微縮後,放喺口腔嘅中間;用你嘅嘴唇整個O字金魚嘴出嚟。

發 y 呢個音嘅方法,可以參考上面提過嘅 yu 音

​語言學嘅描述 [IPA符號:ɵy ] :元音高度由半合變合;元音脷位由中間變前;元音圓唇度保持撮唇。​​

eu

廣東話拼音、粵拼教學 eu 發音正面圖
廣東話拼音、粵拼教學 eu 發音側面圖

字例:掉 [deu6]

發音方法:好快噉連續發 e 同 u 兩個單元音。

​​語言學嘅描述 [IPA符號:ɛu ] :元音高度由半開變合;元音脷位由前變後;元音圓唇度由非圓唇變撮唇。​​

iu

廣東話拼音、粵拼教學 iu 發音正面圖
廣東話拼音、粵拼教學 iu 發音側面圖

字例:超 [ciu1]

發音方法:好快噉連續發 i 同 u 兩個單元音。

語言學嘅描述 [IPA符號:iu ] :元音高度一直保持係合;元音脷位由前變後;元音圓唇度由非圓唇變撮唇。​

oi

廣東話拼音、粵拼教學 oi 發音正面圖
廣東話拼音、粵拼教學 oi 發音側面圖

字例:開 [hoi1]

發音方法:好快噉連續發 o 同 i 兩個單元音。

語言學嘅描述 [IPA符號:ɔi ] :元音高度由半開變合;元音脷位由後變前;元音圓唇度由撮唇變非圓唇。​

ou

廣東話拼音、粵拼教學 ou 發音正面圖
廣東話拼音、粵拼教學 ou 發音側面圖

字例:刀 [dou1]

發音方法:好快噉連續發 o(IPA符號而唔係粵拼) 同 u 兩個單元音。發 o 呢個音,你個口唔可以擘太大,幅度要大過 0 音,細過 e 音;將你條脷縮到最後;用你嘅嘴唇整個O字金魚嘴出嚟。

​語言學嘅描述 [IPA符號:ou ] :元音高度由半合變合;元音脷位一直保持係後;元音圓唇度一直保持係撮唇。​

ui

廣東話拼音、粵拼教學 ui 發音正面圖
廣東話拼音、粵拼教學 ui 發音側面圖

字例:灰 [fui1]

發音方法:好快噉連續發 u 同 i 兩個單元音。

語言學嘅描述 [IPA符號:ui ] :元音高度一直保持係合;元音脷位由後變前;元音圓唇度由撮唇變非圓唇。​

廣東話拼音: 輔音

輔音(Consonants)係指啲發音時受到阻礙嘅音。輔音除咗可以用做聲母之外,都可以放喺單元音後面做韻尾(Syllable code),組成韻母。廣東話總共有4組輔音。

為咗方便用圖表解釋,下面全部輔音都會加埋單元音 aa 落去。

輔音(塞音)

輔音(塞音)
bp
dt
gk
gwkw
zc

B

廣東話拼音、粵拼教學 b 發音正面圖
廣東話拼音、粵拼教學 b 發音側面圖

字例:爸 [baa1]

發音方法:發音之前合埋你個嘴,唔好放氣流出去。喺口入面有氣壓之後再擘大個口發音;發音嘅時候唔應該有氣流由你個鼻噴出去。

語言學嘅描述 [IPA符號:p ] :塞音;發音部位喺嘴唇;冇發聲;口腔輔音;發聲器官係肺。​

P

廣東話拼音、粵拼教學 p 發音正面圖
廣東話拼音、粵拼教學 p 發音側面圖

字例:趴 [paa1]

發音方法:呢個音同 b 音一模一樣,不過喺發聲嗰陣要用力噴氣。放隻手喺你個嘴前面,你應該會感受到有強烈嘅氣流噴出嚟。

語言學嘅描述 [IPA符號:pʰ ] :塞音;發音部位喺嘴唇;冇發聲;口腔輔音;發聲器官係肺。

D

廣東話拼音、粵拼教學 d 發音正面圖
廣東話拼音、粵拼教學 d 發音側面圖

字例:打 [daa1]

發音方法:發音之前用你條脷頂住牙同牙齦中間,唔好放氣流出去。喺口入面有氣壓之後放鬆條脷發音;發音嘅時候唔應該有氣流由你個鼻噴出去。

語言學嘅描述 [IPA符號:t ] :塞音;發音部位喺牙同牙齦中間;冇發聲;口腔輔音;發聲器官係肺。

T

廣東話拼音、粵拼教學 t 發音正面圖
廣東話拼音、粵拼教學 t 發音側面圖

字例:他 [taa1]

發音方法:呢個音同 d 音一模一樣,不過喺發聲嗰陣要用力噴氣。放隻手喺你個嘴前面,你應該會感受到有強烈嘅氣流噴出嚟。

語言學嘅描述 [IPA符號:tʰ ] :塞音;發音部位喺牙同牙齦中間;冇發聲;口腔輔音;發聲器官係肺。

G

廣東話拼音、粵拼教學 g 發音正面圖
廣東話拼音、粵拼教學 g 發音側面圖

字例:家 [gaa1]

發音方法:發音之前用你條脷後半部份頂住軟齶,唔好放氣流出去。喺口入面有氣壓之後放鬆條脷發音;發音嘅時候唔應該有氣流由你個鼻噴出去。

語言學嘅描述 [IPA符號:k ] :塞音;發音部位喺軟齶;冇發聲;口腔輔音;發聲器官係肺。

K

廣東話拼音、粵拼教學 k 發音正面圖
廣東話拼音、粵拼教學 k 發音側面圖

字例:卡 [kaa1]

發音方法:呢個音同 g 音一模一樣,不過喺發聲嗰陣要用力噴氣。放隻手喺你個嘴前面,你應該會感受到有強烈嘅氣流噴出嚟。

語言學嘅描述 [IPA符號:kʰ ] :塞音;發音部位喺軟齶;冇發聲;口腔輔音;發聲器官係肺。

Gw

廣東話拼音、粵拼教學 gw 發音正面圖
廣東話拼音、粵拼教學 gw 發音側面圖

字例:瓜 [gwaa1]

發音方法:呢個音同 g 音一模一樣,不過喺發聲嗰陣,要將嘴唇變做金魚嘴。

語言學嘅描述 [IPA符號:kʷ ] :塞音;發音部位喺軟齶;冇發聲;雙唇圓化;口腔輔音;發聲器官係肺。

Kw

廣東話拼音、粵拼教學 kw 發音正面圖
廣東話拼音、粵拼教學 kw 發音側面圖

字例:誇 [kwaa1]

發音方法:呢個音同 gw 音一模一樣,不過喺發聲嗰陣要用力噴氣。放隻手喺你個嘴前面,你應該會感受到有強烈嘅氣流噴出嚟。

語言學嘅描述 [IPA符號:kʷʰ ] :塞音;發音部位喺軟齶;冇發聲;雙唇圓化;口腔輔音;發聲器官係肺。

Z

廣東話拼音、粵拼教學 z 發音正面圖
廣東話拼音、粵拼教學 z 發音側面圖

字例:揸 [zaa1]

發音方法:用你條脷尖頂住啲牙同脷嘅前半部份掂住牙齦,喺口入面有氣壓之後再鬆開條脷發音;發音嘅時候唔應該有氣流由你個鼻噴出去。

語言學嘅描述 [IPA符號:ts ] :噝塞擦音;發音部位喺牙同牙齦中間;冇發聲;口腔輔音;發聲器官係肺。

C

廣東話拼音、粵拼教學 c 發音正面圖
廣東話拼音、粵拼教學 c 發音側面圖

字例:差 [caa1]

發音方法:呢個音同 z 音一模一樣,不過喺發聲嗰陣要用力噴氣。放隻手喺你個嘴前面,你應該會感受到有強烈嘅氣流噴出嚟。

語言學嘅描述 [IPA符號:tsʰ ] :噝塞擦音;發音部位喺牙同牙齦中間;冇發聲;口腔輔音;發聲器官係肺。

輔音(鼻音)

輔音(鼻音)

m
n
ng

M

廣東話拼音、粵拼教學 m 發音正面圖
廣東話拼音、粵拼教學 m 發音側面圖

字例:媽 [maa1]

發音方法:合埋你個口;放鬆條脷。喺發音嗰陣,你應該會感受到有氣流經你個鼻噴出嚟。

語言學嘅描述 [IPA符號:m ] :塞音;發音部位喺雙唇;有發聲;鼻腔輔音;發聲器官係肺。

N

廣東話拼音、粵拼教學 n 發音正面圖
廣東話拼音、粵拼教學 n 發音側面圖

字例:(冇常用字) [naa1]

發音方法:用你條脷頂住牙齦中間,唔好放氣流由口出去。喺發音嗰陣,你應該會感受到有氣流經你個鼻噴出嚟。

語言學嘅描述 [IPA符號:n ] :塞音;發音部位喺牙齦;有發聲;鼻腔輔音;發聲器官係肺。

Ng

廣東話拼音、粵拼教學 ng 發音正面圖
廣東話拼音、粵拼教學 ng 發音側面圖

字例:鴉 [ngaa1]

發音方法:擘大你個口,用你條脷嘅後半部份頂住軟顎。喺發音嗰陣,你應該會感受到有氣流經你個鼻噴出嚟。

語言學嘅描述 [IPA符號:ŋ ] :塞音;發音部位喺軟顎;有發聲;鼻腔輔音;發聲器官係肺。

輔音(擦音)

輔音(擦音)
f
h
s

F

廣東話拼音、粵拼教學 f 發音正面圖
廣東話拼音、粵拼教學 f 發音側面圖

字例:花 [faa1]

發音方法:喺發音嗰陣,用你啲輕輕掂住下唇條脷嘅後半部份頂住軟顎。你唔應該感受到有氣流經你個鼻噴出嚟。

語言學嘅描述 [IPA符號:f ] :擦音;發音部位喺唇齒;冇發聲;口腔輔音;發聲器官係肺。

H

廣東話拼音、粵拼教學 h 發音正面圖
廣東話拼音、粵拼教學 h 發音側面圖

字例:蝦 [haa1]

發音方法:放鬆條脷同嘴唇,擘大口再噴氣。你唔應該感受到有氣流經你個鼻噴出嚟。

語言學嘅描述 [IPA符號:h ] :擦音;發音部位喺聲門;冇發聲;口腔輔音;發聲器官係肺。

S

廣東話拼音、粵拼教學 s 發音正面圖
廣東話拼音、粵拼教學 s 發音側面圖

字例:沙 [saa1]

發音方法:發音嗰陣,伸長你條脷直至掂到啲牙。你唔應該感受到有氣流經你個鼻噴出嚟。

語言學嘅描述 [IPA符號:s ] :噝音;發音部位喺聲門;冇發聲;口腔輔音;發聲器官係肺。​​

​輔音(半元音)

輔音(半元音)
l
w
j

L

廣東話拼音、粵拼教學 l 發音正面圖
廣東話拼音、粵拼教學 l 發音側面圖

字例:啦 [laa1]

發音方法:喺發音之前,伸長你條脷頂住牙同牙齦中間。喺發音嗰陣,保持條脷嘅位置,令氣流由脷嘅兩側噴出。最後,要震動你嘅聲帶。喺成個過程,你都唔應該感受到有氣流經你個鼻噴出嚟。

語言學嘅描述 [IPA符號:l ] :近音;發音部位喺牙同牙齦中間;有發聲;口腔輔音;發聲器官係肺。​​

W

廣東話拼音、粵拼教學 w 發音正面圖
廣東話拼音、粵拼教學 w 發音側面圖

字例:蛙 [waa1]

發音方法:喺發音之前,將脷嘅後半部份掂住軟顎。喺發音嗰陣,保持條脷嘅位置,將嘴唇變做金魚嘴。最後,要震動你嘅聲帶。喺成個過程,你都唔應該感受到有氣流經你個鼻噴出嚟。

語言學嘅描述 [IPA符號:w ] :近音;發音部位喺軟顎;雙圓唇化;有發聲;口腔輔音;發聲器官係肺。​​

J

廣東話拼音、粵拼教學 j 發音正面圖
廣東話拼音、粵拼教學 j 發音側面圖

字例:(有音冇字) [jaa1]

發音方法:喺發音之前,將脷嘅中間部份掂住硬顎(即係上顎嘅中間位置)。喺發音嗰陣,保持條脷嘅位置,震動你嘅聲帶。喺成個過程,你都唔應該感受到有氣流經你個鼻噴出嚟。

語言學嘅描述 [IPA符號:j ] :近音;發音部位喺硬顎;有發聲;口腔輔音;發聲器官係肺。​​

廣東話拼音: 塞尾韻

塞尾韻係啲喺發音後產生塞音(Plosive consonant)嘅入聲韻尾(Unreleased stop)。如果你做得啱嘅話,你應該會喺發音之後,感受到有氣壓形成咗喺你口入面。

塞尾韻
p
t
k

單元音同塞尾韻可以組合到下面嘅韻母。韻母 it、uk 同 eot 嘅發音包含咗啲粵拼冇標示嘅單元音(只係得IPA有標示)。喺學呢兩個音嗰陣,一定要留心啊。

單元音同塞尾韻嘅組合
 ptk
aaaapaataak
aapatak
eepetek
o/otok
iipitik
u/utuk
oe//oek
yu/yut/
粵拼冇標示嘅單元音同塞尾韻嘅組合
eot

P

aap

廣東話拼音、粵拼教學 aap 發音正面圖
廣東話拼音、粵拼教學 aap 發音側面圖

字例:插 [caap1]

發音方法:喺發完單元音 aa 之後即刻轉去塞尾韻 p。喺啱啱發咗單元音 aa 之後,合埋個口,阻止氣流由口同鼻噴出去。

語言學嘅描述 [IPA符號:ap̚ ]

ap

廣東話拼音、粵拼教學 ap 發音正面圖
廣東話拼音、粵拼教學 ap 發音側面圖

字例:輯 [cap1]

發音方法:喺發完單元音 a 之後即刻轉去塞尾韻 p。喺啱啱發咗單元音 a 之後,合埋個口,阻止氣流由口同鼻噴出去。

語言學嘅描述 [IPA符號:ɐp̚ ]

ep

廣東話拼音、粵拼教學 ep 發音正面圖
廣東話拼音、粵拼教學 ep 發音側面圖

字例:夾 [gep6]

發音方法:喺發完單元音 e 之後即刻轉去塞尾韻 p。喺啱啱發咗單元音 e 之後,合埋個口,阻止氣流由口同鼻噴出去。

語言學嘅描述 [IPA符號:ɛp̚ ]

ip

廣東話拼音、粵拼教學 ip 發音正面圖
廣東話拼音、粵拼教學 ip 發音側面圖

字例:葉 [jip6]

發音方法:喺發完單元音 i 之後即刻轉去塞尾韻 p。喺啱啱發咗單元音 i 之後,合埋個口,阻止氣流由口同鼻噴出去。

語言學嘅描述 [IPA符號:ip̚ ]

T

aat

廣東話拼音、粵拼教學 aat 發音正面圖
廣東話拼音、粵拼教學 aat 發音側面圖

字例:卡 [kaat1]

發音方法:喺發完單元音 aa 之後即刻轉去塞尾韻 t。喺啱啱發咗單元音 aa 之後,用條脷頂住牙齦,阻止氣流由口同鼻噴出去。

語言學嘅描述 [IPA符號:at̚ ]

at

廣東話拼音、粵拼教學 at 發音正面圖
廣東話拼音、粵拼教學 at 發音側面圖

字例:咳 [kat1]

發音方法:喺發完單元音 a 之後即刻轉去塞尾韻 t。喺啱啱發咗單元音 a 之後,用條脷頂住牙齦,阻止氣流由口同鼻噴出去。

語言學嘅描述 [IPA符號:ɐt̚ ]

eot

廣東話拼音、粵拼教學 eot 發音正面圖
廣東話拼音、粵拼教學 eot 發音側面圖

字例:出 [ceot1]

發音方法:喺發完單元音 ɵ (IPA符號而唔係粵拼,發音方法睇翻上面) 之後即刻轉去塞尾韻 t。喺啱啱發咗單元音 ɵ 之後,用條脷頂住牙齦,阻止氣流由口同鼻噴出去。

語言學嘅描述 [IPA符號:ɵt̚ ] 

it

廣東話拼音、粵拼教學 it 發音正面圖
廣東話拼音、粵拼教學 it 發音側面圖

字例:必 [bit1]

發音方法:喺發完單元音 i 之後即刻轉去塞尾韻 t。喺啱啱發咗單元音之後,用條脷頂住牙齦,阻止氣流由口同鼻噴出去。

語言學嘅描述 [IPA符號:it̚ ] 

ot

廣東話拼音、粵拼教學 ot 發音正面圖
廣東話拼音、粵拼教學 ot 發音側面圖

字例:割 [got3]

發音方法:喺發完單元音 o 之後即刻轉去塞尾韻 t。喺啱啱發咗單元音之後,用條脷頂住牙齦,阻止氣流由口同鼻噴出去。

語言學嘅描述 [IPA符號:ɔt̚ ] 

ut

廣東話拼音、粵拼教學 ut 發音正面圖
廣東話拼音、粵拼教學 ut 發音側面圖

字例:闊 [fut3]

發音方法:喺發完單元音之後即刻轉去塞尾韻 t。喺啱啱發咗單元音之後,用條脷頂住牙齦,阻止氣流由口同鼻噴出去。

語言學嘅描述 [IPA符號:ut̚ ] 

yut

廣東話拼音、粵拼教學 yut 發音正面圖
廣東話拼音、粵拼教學 yut 發音側面圖

字例:血 [hyut3]

發音方法:喺發完單元音 yu 之後即刻轉去塞尾韻 t。喺啱啱發咗單元音 yu 之後,用條脷頂住牙齦,阻止氣流由口同鼻噴出去。

語言學嘅描述 [IPA符號:yt̚ ] 

K

aak

廣東話拼音、粵拼教學 aak 發音正面圖
廣東話拼音、粵拼教學 aak 發音側面圖

字例:黑 [haak1]

發音方法:喺發完單元音 aa 之後即刻轉去塞尾韻 k。喺啱啱發咗單元音 aa 之後,用條脷嘅後半部份頂住軟齦,阻止氣流由口同鼻噴出去。

語言學嘅描述 [IPA符號:ak̚ ] 

ak

廣東話拼音、粵拼教學 ak 發音正面圖
廣東話拼音、粵拼教學 ak 發音側面圖

字例:北 [bak1]

發音方法:喺發完單元音 a 之後即刻轉去塞尾韻 k。喺啱啱發咗單元音 a 之後,用條脷號後半部份頂住軟齦,阻止氣流由口同鼻噴出去。

語言學嘅描述 [IPA符號:ɐk̚ ] 

ek

廣東話拼音、粵拼教學 ek 發音正面圖
廣東話拼音、粵拼教學 ek 發音側面圖

字例:叻 [lek1]

發音方法:喺發完單元音 e 之後即刻轉去塞尾韻 k。喺啱啱發咗單元音之後,用條脷號後半部份頂住軟齦,阻止氣流由口同鼻噴出去。

語言學嘅描述 [IPA符號:ɛk̚ ] 

ik

廣東話拼音、粵拼教學 ik 發音正面圖
廣東話拼音、粵拼教學 ik 發音側面圖

字例:色 [sik1]

發音方法:喺發完單元音 ɪ (IPA符號而不是粵拼)之後即刻轉去塞尾韻 k。喺啱啱發咗單元音 ɪ 之後,用條脷號後半部份頂住軟齦,阻止氣流由口同鼻噴出去。

語言學嘅描述 [IPA符號:ɪk̚ ] 

ok

廣東話拼音、粵拼教學 ok 發音正面圖
廣東話拼音、粵拼教學 ok 發音側面圖

字例:學 [hok6]

發音方法:喺發完單元音之後即刻轉去塞尾韻 k。喺啱啱發咗單元音之後,用條脷號後半部份頂住軟齦,阻止氣流由口同鼻噴出去。

語言學嘅描述 [IPA符號:ɔk̚ ] 

oek

廣東話拼音、粵拼教學 oek 發音正面圖
廣東話拼音、粵拼教學 oek 發音側面圖

字例:腳 [goek3]

發音方法:喺發完單元音 oe 之後即刻轉去塞尾韻 k。喺啱啱發咗單元音 oe 之後,用條脷號後半部份頂住軟齦,阻止氣流由口同鼻噴出去。

語言學嘅描述 [IPA符號:œk̚ ] 

uk

廣東話拼音、粵拼教學 uk 發音正面圖
廣東話拼音、粵拼教學 uk 發音側面圖

字例:屋 [uk1]

發音方法:喺發完單元音 ʊ (IPA符號而唔係粵拼,發音方法睇翻上面)之後即刻轉去塞尾韻 k。喺啱啱發咗單元音 ʊ 之後,用條脷號後半部份頂住軟齦,阻止氣流由口同鼻噴出去。

語言學嘅描述 [IPA符號:ʊk̚ ] 

廣東話拼音: 鼻尾韻

鼻尾韻係啲喺發音後產生鼻音(Nasal consonant)嘅韻尾。如果你做得啱嘅話,你應該會喺發音之後,感受到個鼻有振動。

鼻尾韻
m
n
ng

單元音同鼻尾韻可以組合到下面嘅韻母。韻母 eon、ing 同 ung 嘅發音包含咗一啲粵拼冇標示嘅單元音(只係得IPA有標示)。喺學呢三個音嗰陣,一定要留心啊。

單元音同鼻尾韻嘅組合
 mnng
aaaamaanaang
aamanang
eemeneng
o/onong
iimining
u/unung
oe//oeng
yu/yun/
粵拼冇標示嘅單元音同鼻尾韻嘅組合
eon

M

aam

廣東話拼音、粵拼教學 aam 發音正面圖
廣東話拼音、粵拼教學 aam 發音側面圖

字例:監 [gaam1]

發音方法:喺發完單元音 aa 之後即刻轉去鼻尾韻 m

語言學嘅描述 [IPA符號:am ] 

am

廣東話拼音、粵拼教學 am 發音正面圖
廣東話拼音、粵拼教學 am 發音側面圖

字例:金 [gam1]

發音方法:喺發完單元音 a 之後即刻轉去鼻尾韻 m

語言學嘅描述 [IPA符號:ɐm ] 

em

廣東話拼音、粵拼教學 em 發音正面圖
廣東話拼音、粵拼教學 em 發音側面圖

字例:舐 [lem2]

發音方法:喺發完單元音之後即刻轉去鼻尾韻 m

語言學嘅描述 [IPA符號:ɛm ] 

 im

廣東話拼音、粵拼教學 im 發音正面圖
廣東話拼音、粵拼教學 im 發音側面圖

字例:謙 [him1]

發音方法:喺發完單元音之後即刻轉去鼻尾韻 m

語言學嘅描述 [IPA符號:im ] 

N

aan

廣東話拼音、粵拼教學 aan 發音正面圖
廣東話拼音、粵拼教學 aan 發音側面圖

字例:餐 [caan1]

發音方法:喺發完單元音 aa 之後即刻轉去鼻尾韻 n

語言學嘅描述 [IPA符號:an ] 

an

廣東話拼音、粵拼教學 an 發音正面圖
廣東話拼音、粵拼教學 an 發音側面圖

字例:親 [can1]

發音方法:喺發完單元音之後即刻轉去鼻尾韻 n

語言學嘅描述 [IPA符號:ɐn ] 

en

廣東話拼音、粵拼教學 en 發音正面圖
廣東話拼音、粵拼教學 en 發音側面圖

字例:円 [jen1]

發音方法:喺發完單元音之後即刻轉去鼻尾韻 n

語言學嘅描述 [IPA符號:ɛn ] 

eon

廣東話拼音、粵拼教學 eon 發音正面圖
廣東話拼音、粵拼教學 eon 發音側面圖

字例:蠢 [ceon2]

發音方法:喺發完單元音 ɵ(IPA符號而唔係粵拼) 之後即刻轉去鼻尾韻 n

語言學嘅描述 [IPA符號:ɵn ] 

in

廣東話拼音、粵拼教學 in 發音正面圖
廣東話拼音、粵拼教學 in 發音側面圖

字例:癲 [din1]

發音方法:喺發完單元音 i 之後即刻轉去鼻尾韻 n

語言學嘅描述 [IPA符號:in ] 

on

廣東話拼音、粵拼教學 on 發音正面圖
廣東話拼音、粵拼教學 on 發音側面圖

字例:安 [on1]

發音方法:喺發完單元音 o 之後即刻轉去鼻尾韻 n

語言學嘅描述 [IPA符號:ɔn ] 

un

廣東話拼音、粵拼教學 un 發音正面圖
廣東話拼音、粵拼教學 un 發音側面圖

字例:官 [gun1]

發音方法:喺發完單元音 u 之後即刻轉去鼻尾韻 n

語言學嘅描述 [IPA符號:un ] 

yun

廣東話拼音、粵拼教學 yun 發音正面圖
廣東話拼音、粵拼教學 yun 發音側面圖

字例:酸 [syun1]

發音方法:喺發完單元音 yu 之後即刻轉去鼻尾韻 n

語言學嘅描述 [IPA符號:yn ] 

Ng

aang

廣東話拼音、粵拼教學 aang 發音正面圖
廣東話拼音、粵拼教學 aang 發音側面圖

字例:生 [saang1]

發音方法:喺發完單元音 aa 之後即刻轉去鼻尾韻 ng

語言學嘅描述 [IPA符號:aŋ ] 

ang

廣東話拼音、粵拼教學 ang 發音正面圖
廣東話拼音、粵拼教學 ang 發音側面圖

字例:等 [dang2]

發音方法:喺發完單元音 a 之後即刻轉去鼻尾韻 ng

語言學嘅描述 [IPA符號:ɐŋ ] 

eng

廣東話拼音、粵拼教學 eng 發音正面圖
廣東話拼音、粵拼教學 eng 發音側面圖

字例:聲 [seng1]

發音方法:喺發完單元音 e 之後即刻轉去鼻尾韻 ng

語言學嘅描述 [IPA符號:ɛŋ ] 

​​

ing

廣東話拼音、粵拼教學 ing 發音正面圖
廣東話拼音、粵拼教學 ing 發音側面圖

字例:升 [sing1]

發音方法:喺發完單元音 ɪ (IPA符號而唔係粵拼)之後即刻轉去鼻尾韻 ng

語言學嘅描述 [IPA符號:ɪŋ ] 

ong

廣東話拼音、粵拼教學 ong 發音正面圖
廣東話拼音、粵拼教學 ong 發音側面圖

字例:香 [hoeng1]

發音方法:喺發完單元音 o 之後即刻轉去鼻尾韻 ng

語言學嘅描述 [IPA符號:ɔŋ ] 

oeng

廣東話拼音、粵拼教學 oeng 發音正面圖
廣東話拼音、粵拼教學 oeng 發音側面圖

字例:香 [hoeng1]

發音方法:喺發完單元音 oe 之後即刻轉去鼻尾韻 ng

語言學嘅描述 [IPA符號:œŋ ] 

ung

廣東話拼音、粵拼教學 ung 發音正面圖
廣東話拼音、粵拼教學 ung 發音側面圖

字例:風 [fung1]

發音方法:喺發完單元音 ʊ (IPA符號而唔係粵拼)之後即刻轉去鼻尾韻 ng

語言學嘅描述 [IPA符號:ʊŋ ] 

廣東話拼音: 聲調

粵拼聲調表
粵拼聲調表

同耶魯一樣,粵拼總共有六個聲調,最高係第一聲,最低係第四聲。凡親用塞尾韻 p、t 同 k 嗰陣,字嘅聲調一定會係第一聲、第三聲或者第六聲。

廣東話聲調金句: 番茄醬牛腩麵一百碟

你記熟廣東話九聲嘅金句
方便你記熟廣東話九聲嘅金句

如果你分唔到唔同嘅聲調,你可以試吓背咗呢個金句。呢句金句入面嘅字嘅聲調順序由第一聲去到第六聲嘅入聲。

faan1 ke2 zoeng3 ngau4 naam5 min6 jat1 baak3 dip6

番茄醬牛腩麵一百碟。

One hundred dishes of beef brisket noodles with ketchup.

FAQs

香港人點解要學粵拼啊?

香港人學粵拼有三個好處。第一,學識粵拼可以幫我哋糾正自己嘅懶音。香港人講嘢經常 n l 不分,n ng 不分。

第二,學識粵拼可以幫我哋搵正字。因為香港人冇接受過廣東話書寫嘅教育,好多字我哋識讀唔識寫,結果成日就寫咗錯嘅字出嚟。

第三,學識粵拼可以幫我哋更加了解廣東話,例如文白二讀同變調嘅現象。

香港人應該學邊一種廣東話拼音啊?

因為冇政府嘅支持,廣東話現時冇一套統一嘅拼音系統。幾套系統當中,香港語言學學會粵語拼音方案(粵拼)同耶魯粵語拼音(耶魯)係依家嘅主流。

我哋推薦大家學粵拼,因為粵拼收錄嘅音又多啲,用電腦打起上嚟都方便啲。

粵拼嘅標音結構係點㗎?

粵拼會標示字嘅聲母、韻母同聲調去代表字嘅發音。聲母一定要係輔音(consonants),而韻母就可以由兩個元音(vowel)或者一個元音同一個輔音組成。每一個字都一定有韻母,但唔一定有聲母。

好多謝你睇晒我哋呢個粵拼教學啊!唔知你對粵文又有冇興趣呢?即刻睇吓我哋啲粵文電子書啦!

呢篇文有2個留言

  1. Its like you read my mind! You seem to know so much about this, like you wrote the book in it or something.

    I think that you can do with a few pics to
    drive the message home a little bit, but instead of that,
    this is great blog. An excellent read. I will certainly be back.

    Here is my site :: g our

  2. 支持!好詳細同清晰!好文!
    不過, 「a」/「短a」 好似有得單獨做一個元音?
    得音冇字,平時成日用嚟做語氣助詞嗰個。
    例如:
    「你咁叻你嚟」a」!」 (類似丫音但短啲)

留言

留言唔會公開你嘅電郵地址。

English粵文日本語